«არსენალმა» ტურინის «იუვენტუსი» უარით გაისტუმრა

«არსენალმა» ტურინის «იუვენტუსი» უარით გაისტუმრა CalcioMercato-ს მიერ გავრცელებული ინფორმაციის თანახმად ლონდონის არსენალმა ტურინის იუვენტუსისგან მიღებულ შეთავაზებაზე, გაეცვალა ექტორ ბელერინი დანიელე რუგანში, უარი განაცხადა.

წყაროს ცნობით ტურინელების ახალ მთავარ მწვრთნელს, ანდრეა პირლოს, 25 წლის ესპანელის ხილვა სურს იტალიაში, თუმცა მეთოფეები ბარტერის მომხრეები არ არიან.

ექტორ ბელერინს მოქმედი კონტრაქტი ლონდონის არსენალთან 2023 წლის ივნისის ბოლომდე აქვს გაფორმებული. transfermarkt-ის ინფორმაციით ესპანელი მცველის მიმდინარე სატრანსფერო ფასი 32 მილიონ ევროს შეადგენს.

ბელერინი ლონდონის არსენალის პირველი გუნდის შემადგენლობაში 2014 წლიდან ირიცხება. ახალგაზრდა ესპანელი მცველი მეთოფეების U21 გუნდიდან იქნა გადმოყვანილი.

2019/20 წლების სეზონში ექტორმა ლონდონის არსენალის მაისურით ჯამში 25 შეხვედრაში მიიღო მონაწილეობა. 25 წლის ფეხბურთელის ანგარიშზე 1 გოლი და 2 შედეგიანი გადაცემაა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.
ზემოთ