კონორ მაკგრეგორი UFC-ში ბრუნდება?
ორ წონით კატეგორიაში UFC-ის ყოფილი ჩემპიონი, კონორ მაკგრეგორი, ინსტაგრამის საკუთარ გვერდზე გავრცელებულ პოსტში UFC-ში შესაძლო დაბრუნებაზე მინიშნებას აკეთებს.ინსტაგრამის საკუთარ გვერდზე ირლანდიელმა ოთხი წლის წინანდელი სურათი გამოაქვეყნა, სადას ნეიტ დიაზთან ბრძოლისთვის მოსამზადებელ პროცესშია. შეგახსენებთ, რომ მაშინ შეხვედრა მსაჯების გადაწყვეტილებით მაკგრეგორის სასარგებლოდ დასრულდა.
«იმ დღიდან დღეს ზუსტად 4 წელი გავიდა! კულისებს მიღმა, ჩემს ცხოვრებაში ერთ-ერთი ყველაზე მნიშვნელოვანი ბრძოლის მოლოდინში. «მაკგრეგორი დიასის წინააღმდეგ — 2» ვაუ! შეიძლება კიდევ ერთხელ...», — წერს მაკგრეგორი.
შეგახსენებთ, რომ უკანასკნელ შეხვედრაში ირლანდიელმა დონალდ სერონე ნოკაუტით დაამარცხა. ჯამში მაკგრეგორს 26 გამართულ შეხვედრაში 22 გამარჯვება აქვს.