რიბეირო: ნეიმარი "პარი სენ-ჟერმენის" დატოვებას არ აპირებს

რიბეირო: ნეიმარი "პარი სენ-ჟერმენის" დატოვებას არ აპირებს საფეხბურთო აგენტი ვაგნერ რიბეირო, გამოცემა Veja-სთან მიცემულ ინტერვიუში ნეიმარის შესახებ საუბრობს. მისი განცხადებით, ახლო მომავალში არ უნდა ველოდოთ ნეიმარის ტრანსფერს. ამ განცხადებით რიბეირო იმ ჭორებს გამოეხმაურა, რომლის თანახმადაც თითქოს კატალონიის "ბარსელონას" ნეიმარის დაბრუნება სურს.

"იყო დრო, როდესაც ნეიმარს ტრავმა აწუხებდა და ამის გამო ძალზედ დამწუხრებული იყო. მაშინ იგი ფიქრობდა "ბარსელონაში" დაბრუნებაზე, ის განიხილავდა მადრიდის "რეალის" ვარიანტსაც, მაგრამ ახლა იგი ბედნიერია. რატომ უნდა დატოვოს მან მოცემულ მომენტში "პარი სენ-ჟერმენი"? ჩემი აზრით იგი პარიზულ კლუბში მინიმუმ კიდევ 2 წლით დარჩება. ახლა ისეთი დროა, უფრო დიდი შანსია მესი ვიხილოთ "პსჟ"-ეს შემადგენლობაში, ვიდრე ნეიმარი "ბარსაში". ამას სერიოზულად ვამბობ. არ შეიძლება არ დააფასო ყატარის ეკონომიკური შესაძლებლობები"-ციტირებს გამოცემა Veja ვაგნერ რიბეიროს სიტყვებს.

ამჟამად ნეიმარი უეფას ჩემპიონთა ლიგის ფინალისათვის ემზადება. 23 აგვისტოს ჩანიშნულ შეხვედრაში ერთმანეთს მიუნხენის "ბაიერნი" და "პარი სენ-ჟერმენი" დაუპირისპირდება. შეხვედრას იტალიელ მსაჯთა ბრიგადა განსჯის.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.