Nos : კუმანი ცვლილებებს აანონსებს

Nos : კუმანი  ცვლილებებს აანონსებს კატალონიის "ბარსელონას" მთავარი მწვრთნელი რონალდ კუმანი, ჟურნალისტებთან მიცემულ ინტერვიუში ფრენკი დე იონგის შესახებ კომენტარს აკეთებს. კუმანის განცხადებით, დე იონგს სათამაშო პოზიციას შეუცვლიან და იმ ადგილზე გაამწესებენ, სადაც იგი ჰოლანდიის ეროვნული ნაკრების თერთმეტეულში თამაშობდა.

"დიახ, ასე მსურს. თუ შენ ახალგაზრდა ფეხბურთელში უამრავ ფინანსურ რესურსს ხარჯავ, მაშინ იგი იმ პოზიციაზე მაინც უნდა გამოიყენო, რაც მისთვის მშობლიურია. ზუსტად იგივე ეხება ანტუან გრიზმანსაც. ის არ არის ვინგერი. მან უნდა იასპარეზოს იქ, სადაც მიჩვეულია. ასეთ დროს, ფეხბურთელის შესაძლებლობა მაქსიმალურად იხსნება."-ციტირებს გამოცემა Nos რონალდ კუმანის სიტყვებს.

შეგახსენებთ, კატალონიის "ბარსელონამ" კიკე სეტიენი, მიუნხენის "ბაიერნთან" განცდილი მარცხის შემდეგ (8:2) მყისიერად გაანთავისუფლა დაკავებული თანამდებობიდან. ხსენებულ მარცხს შეეწირა ერიკ აბიდალის სამსახურიც. ეს უკანასკნელი "ბარსელონას" სპორტული დირექტორის პოსტს იკავებდა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.