მსოფლიო საკლუბო ჩემპიონატი 2022 წელს ჩატარდება
გამომცემლობა АР-ის ჟურნალისტის რობ ჰარისის მიერ ტვიტერის საკუთარ გვერდზე გავრცელებული ინფორმაციის თანახმად მსოფლიოს საკლუბო ჩემპიონატი 2022 წელს არაბთა გაერთიანებულ საამიროებში ჩატარდება.შეგახსენებთ, რომ მანამდე აღნიშნული ტურნირის ჩატარება 2021 წელს იაპონიაში იგეგმებოდა. სამწუხაროდ კორონა ვირუსით გამოწვეული პანდემიური სიტუაციის გამო იაპონიის მთავრობას მსოფლიო საკლუბო ჩემპიონატის ტურნირის მასპინძლობაზე უარის თქმა მოუწია.
Club World Cup will now be in UAE in early 2022 - featuring Chelsea
— Rob Harris (@RobHarris) October 20, 2021
ჯერ-ჯერობით ტურნირის ჩატარების ზუსტი თარიღი უცნობია. აღსანიშნავია, რომ ევროპის კონტინენტს ჩემპიონთა ლიგის გასული სეზონის გამარჯვებული ლონდონის ჩელსი წარადგენს.