«ლაციოს» «ბარსელონას» ნახევარმცველი სურს

ცნობილი სპორტული ინტერნეტ პორტალის goal.com-ის მიერ გავრცელებული ინფორმაციის თანახმად «ლაციო» კატალონიის «ბარსელონას» ნახევარმცველის რაფინიას შეძენით არის დაინტერესებული.

წყაროს ინფორმაციით საუბარი კატალონიელების 27 წლის შემტევს რაფინიას ეხება. «ლაციო» ბრაზილიელი ნახევარმცველის სანაცვლოდ ესპანურ გრანდს 12 მილიონ ევროს სთავაზობს.

goal.com-ის ინფორმაციით ესპანელები მზად არიან რაფინია გუნდიდან გაუშვან, ხოლო დავიდ სილვასთან ჩავარდნილი შეთანხმების შემდეგ რაფინია «ლაციოსთვის» იდეალური ალტერნატივა იქნება.

transfermarkt-ის ცნობით 27 წლის ბრაზილიელის მიმდინარე სატრანსფერო ფასი 9,5 მილიონ ევროს შეადგენს. რაფინიას მოქმედი კონტრაქტი კატალონიელებთან 2021 წლამდე აქვს გაფორმებული.

2019/20 წლების სეზონში რაფინიამ «ბარსელონას» მაისურით ჯამში 33 შეხვედრაში მიიღო მონაწილეობა, მის ანგარიშზე 4 გოლი და 2 შედეგიანი გადაცემაა.

» წყარო