სიმეონე: გარკვეული საკადრო პრობლემები გვაქვს

სიმეონე: გარკვეული საკადრო პრობლემები გვაქვს მადრიდის "ატლეტიკოს" მთავარი მწვრთნელი დიეგო სიმეონე, ჟურნალისტებთან საუბრის დროს კლუბში არსებულ საკადრო პრობლემებს გამოეხმაურა. შეგახსენებთ, მოცემულ მომენტში "ატლეტიკო" ესპანეთის ჩემპიონატის ლიდერია. ამ გუნდის აქტივში 29 ქულაა ფიქსირებული.

"ვფიქრობ, რომ მოცემულ მომენტში "ატლეტიკო" არ არის მზად, სასტარტო თერთმეტეულში ერთდროულად მოუყაროს თავი ჟოაო ფელიშს, ლუის სუარესს და დიეგო კოსტას. თუმცა არსებობს შესაძლებლობა, რომ ხსენებული სამივე ფეხბურთელი მატჩის ბოლოსკენ გამოვიყენოთ. ძალიან ვწუხვარ დიეგოს გამო, რომელიც ტრავმირებული იყო, მაგრამ ყოველი ჩვენი მოიერიშე ძალიან სახიფათოა და მათ წარმატებით შეუძლიათ ერთმანეთთან კომბინირება. აუცილებელია მეტი მოთმინება გამოვიჩინოთ, ნაბიჯ-ნაბიჯ გზა გავუხსნათ ნიჭიერებას. მნიშვნელოვანია, რომ ყოველი ეს ფეხბურთელი მზად იყოს საასპარეზოდ." - ციტირებს გამოცემა Football Espana დიეგო სიმეონეს სიტყვებს.

22 დეკემბერს მადრიდის "ატლეტიკო" "რეალ სოსიედადს" ეწვევა. მატჩი თბილისის დროით 22:45 საათზე აიღებს სტარტს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.