პიოლი: ძალიან ბევრ გოლს ვუშვებთ

პიოლი: ძალიან ბევრ გოლს ვუშვებთ იტალიის ჩემპიონატის ეგიდით გამართული შეხვედრა "ჯენოასა" და "მილანს" შორის ფრედ, ანგარიშით 2:2 დასრულდა. აღნიშნულ მატჩს გამოეხმაურა "როსონერის" მთავარი მწვრთნელი სტეფანო პიოლი.

"ეს არის დაფიქსირებული ფრე იმ რთულ თამაშში, რომელიც მიმდინარეობდა მძიმე საფარზე. შეგვეძლო შეხვედრის პირველ ნახევარში დავწინაურებულიყავით, რაც ტაქტიკურ ცვლილებებს გამოიწვევდა. გავაკეთეთ ყველაფერი და მოვიპოვეთ მნიშვნელოვანი რეზულტატი. ძალიან ბევრ გოლს ვუშვებთ. რთული შეხვედრა იყო, გაზონი არ გვაძლევდა იმის საშუალებას, რომ უფრო მეტად ტექნიკურები ვყოფილიყავით. გამარჯვების მოპოვებას ბოლო წამამდე ვცდილობდით, სამწუხაროდ დასახულ მიზანს ვერ მივაღწიეთ." - ციტირებს გამოცემა Football Italia სტეფანო პიოლის სიტყვებს.

12 ტურის შემდეგ, მოპოვებული 28 ქულით "მილანი" სატურნირო ცხრილის ლიდერია. მეორე ადგილს "ინტერი" ისაკუთრებს. "ნერაძურის" აქტივში 27 ქულაა ფიქსირებული.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.