ზლატან იბრაჰიმოვიჩს ზაფხულში კარიერის დასრულება სურდა
«მილანის» თავდამსხმელი ზლატან იბრაჰიმოვიჩი ცნობილ სპორტულ ვებ-პორტალ GOAL-თან ინტერვიუში აცხადებს, რომ 2020 წლის ზაფხულში კარიერის დასრულებას ფიქრობდა, თუმცა კლუბთან ახალი კონტრაქტი გააფორმა.— ზაფხულში პიოლიმ მკითხა რა მსურდა. მე ვუპასუხე, რომ კონტრაქტის გაფორმებას აღარ ვაპირებდი, რადგან საკმარისი იყო. ვუთხარი, რომ ოჯახი ჩემთვის ძალიან მნიშვნელოვანია და მილანში კიდევ ერთი წლით დარჩენა არ მსურდა».
— მეორე დღეს ჩვენ კვლავ ვისაუბრეთ და ვუთხარი, რომ კარიერის დასრულება მქონდა გადაწყვეტილი. ამის შემდეგ რაღაც შეიცვალა. მილანში დავრეკე და მაინც მოვაწერე ახალ კონტრაქტს ხელი», - იბრაჰიმოვიჩის სიტყვებს ციტირებს GOAL.
39-წლის შვედის ანგარიშზე 11 გოლი და 2 შედეგიანი გადაცემაა. ზლატანმა 2020/21 წლების სეზონში მილანის შემადგენლობაში ჯამში 10 შეხვედრაში მიიღო მონაწილეობა. იბრაკადაბრას მოქმედი კონტრაქტი 2021 წლის ივნისის ბოლომდე აქვს გაფორმებული.