ნეიმარს მომავალი სეზონიდან მესისთან ერთად თამაში სურს
«პსჟ»-ს ბრაზილიელმა თავდამსხმელმა ნეიმარმა ცნობილ სპორტულ გამოცემა ESPN-თან საუბარში განაცხადა, რომ მომავალი სეზონიდან «კატალონიის ბარსელონას» არგენტინელ ვარსკვლავთან, ლიონელ მესისთან, ერთად სურს თამაში.— ყველაზე მეტად მასთან ერთად თამაში მსურს. დარწმუნებული ვარ, რომ მას ჩემთან დაკავშირებით არანაირი პრობლემა არ ექნება. მინდა კვლავ მესისთან ერთად ვითამაშო და დარწმუნებული ვარ, რომ ეს მომავალ სეზონში უნდა გავაკეთოთ», - ნეიმარის სიტყვებს ციტირებს ESPN.
¿Volverá pronto? Neymar dejó en claro que tiene muchas ganas de jugar con Messi nuevamente y dio fecha: "seguro el próximo año". pic.twitter.com/84uwWi7eyH
— ESPN Argentina (@ESPNArgentina) December 2, 2020
შეგახსენებთ, რომ ლიონელ მესი და ნეიმარი ერთად «კატალონიის ბარსელონაში» 2013 - 2017 წლებში თამაშობდნენ. 2020-წლის ზაფხულში არგენტინელი კატალონიური კლუბის დატოვებასთან ახლოს იყო. საბოლოოდ ლიონელ მესი გუნდში მიმდინარე სეზონის ბოლომდე, ანუ ხელშეკრულების ამოწურვამდე დარჩა.
აღსანიშნავია, რომ არგენტინელი ვარსკვლავის მოქმედი კონტრაქტი «კატალონიის ბარსელონასთან» 2020/21 წლების დასრულების შემდეგ იწურება.