არტეტა: "არსენალს" რაღაც აკლია

არტეტა: "არსენალს" რაღაც აკლია ლონდონის "არსენალის" მთავარი მწვრთნელი მიკელ არტეტა, ჟურნალისტებთან მიცემულ ინტერვიუში კლუბში არსებულ მდგომარეობაზე საუბრობს და აცხადებს, რომ "არსენალს" გარკვეული დრო ესაჭიროება იმისათვის, რათა მიმდინარე პროცესებმა ლოგიკურ დასასრულამდე მიგვიყვანოს.

"ალბათ, არსებობს სხვაობა იმას შორის, სად ვიმყოფებით ახლა და სად უნდა ვიყოთ წესით. სხვაობა 4-6 ქულას შეადგენს. ის არ არის დიდი, მაგრამ სწორედ ეს არის რეალობა. ჩვენ შესანიშნავად უნდა ვაკეთებდეთ იმას, რასაც ვაკეთებთ. "არსენალს" რაღაც აკლია.... ჩვენ მუდამ ზღვარზე ვიმყოფებით. ხან გამარჯვების ზღვარზე, ხან დამარცხების. მეტი სითამამეა საჭირო. თითოეული ორთაბრძოლა მართლაც ძალიან რთულია.

"ფეხბურთში დრო ნამდვილად უძვირფასესია და ადამიანები მეტად სულმოუთმენლები არიან. არ შეიძლება არ აფასებდე გუნდში მიმდინარე პროცესებს და რაღაც აბსურდული მოთხოვნები წაუყენო ამა თუ იმ ადამიანს, ეს შესაძლოა ძალიან ცუდად შემობრუნდეს. რა თქმა უნდა, ვიცი რისი ნახვა სურს ხალხს და მე პირველ რიგში ვზივარ იმ ადამიანებთან ერთად ვისაც სურს, რომ "არსენალი" ლიგის ლიდერად იხილოს. წინ ძალიან დიდი სამუშაო გველის. მზად ვართ და ვიცით, თუ რაოდენ დიდი პასუხიმსგებლობა გვაქვს აღებული" - ციტირებს გამოცემა Goal-ი მიკელ არტეტას სიტყვებს.

მოცემულ მომენტში ლონდონის "არსენალი" მოპოვებული 13 ქულით, ინგლისის პრემიერ ლიგაში მე-14 ადგილზე იმყოფება. პირველადგილოსან "ლივერპულს" საკუთარ აქტივში 21 ქულა აქვს მოგროვებული.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.