სტეფანო დე მარტინო: მოცემული სიტყვა უნდა შესრულებულიყო

სტეფანო დე მარტინო: მოცემული სიტყვა უნდა შესრულებულიყო საფეხბურთო კლუბ "ლაციოს" საზოგადოებასთან ურთიერთობის სამსახურის ხელმძღვანელი სტეფანო დე მარტინო, ჟურნალისტებთან საუბრის დროს დავიდ სილვას შესახებ კომენტარს აკეთებს. შეგახსენებთ, მანჩესტერ "სიტის" აწ უკვე ყოფილი ფეხბურთელი რომაელების ერთ-ერთი მთავარი სამიზნე იყო, თუმცა ამ უკანასკნელმა საკუთარი არჩევანი "რეალ სოსიედადის" სასარგებლოდ გააკეთა და ახალ საფეხბურთო სეზონში სწორედ ესპანეთის ჩემპიონატში მოგვევლინება.

"ბოლო 48 საათის განმავლობაში, სილვასთან დაკავშირებით უამრავი რამ იყო თქმული. "ლაციო" მუდამ მართებულად მოქმედებდა და ახლაც ასეთი მიდგომა გვაქვს, როდესაც ვიღაც სიტყვას იძლევა ის აუცილებლად უნდა შესრულდეს კიდეც."-ციტირებს გამოცემა Football Italia მარტინოს სიტყვებს.

როგორც ცნობილია, "ლაციოს" ხელმძღვანელობა უაღრესად გაბრაზებული დარჩა სილვას გადაწყვეტილების გამო. "არწივები" სილვასთან აქტიურ კომუნიკაციაში იყვნენ, თუმცა ბოლოს ფეხბურთელი მათ სატელეფონო ზარებს აღარ პასუხობდა. "სოსიედადში" მისი გადასვლა კი "ლაციოს" მესვეურებმა პრესიდან შეიტყვეს.

მანჩესტერ "სიტიმ" 2010 წელს დავიდ სილვა "ვალენსიას" რიგებიდან აიყვანა. იმ პერიოდში ტრანსფერმა 28,75 მილიონი ევრო შეადგინა. 34 წლის ფეხბურთელმა 2019/2020 წ. სეზონში 27 შეხვედრაში მიიღო მონაწილეობა. გახდა 6 გატანილი გოლის და 10 შედეგიანი გადაცემის ავტორი.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.
ზემოთ