ლევანდოვსკი: კონტრაქტი 2023 წლაქმდე მაქვს გაფორმებული, რა იქნება შემდეგ არ ვიცი...

ლევანდოვსკი: კონტრაქტი 2023 წლაქმდე მაქვს გაფორმებული, რა იქნება შემდეგ არ ვიცი... მიუნხენის "ბაიერნის" პოლონელი თავდამსხმელი რობერტ ლევანდოვსკი, ჟურნალისტებთან მიცემულ ინტერვიუში სამომავლო გეგმებთან დაკავშირებით საუბრობს. ლევანდოვსკის განცხადებით, მას გერმანულ გრანდთან ხანგრძლივი კონტრაქტი აქვს გაფორმებული და მოცემულ მომენტში ამ საკითხზე არც კი ფიქრობს.

"ჩემი კონტრაქტის მოქმედების ვადა 2023 წელს იწურება. არ მიფიქრია, რა იქნებოდა ამის შემდეგ. ხელშეკრულების თანახმად წინ კიდევ 2,5 წელია. ეს სოლიდური დროა. ამასთან ვიცი, რომ კიდევ შემიძლია ფეხბურთის თამაში. მიუხედავად ყოველივე ზემოაღნიშნულისა მე მაქვს სათანადო დრო იმისათვის, რომ ყველაფერი ადეკვატურად გავიაზრო." - ციტირებს გამოცემა AP News რობერტ ლევანდოვსკის სიტყვებს.

პოლონელი მოიერიშე, გერმანულ გრანდს 2014 წელს შეურთდა. როგორც აღინიშნა, მოქმედი კონტრაქტი 2023 წლის 30 ივნისამდეა გათვალისწინებული. ინტერნეტ-პორტალი transfermarkt-ი რობერტ ლევანდოვსკის 60 მილიონ ევროდ აფასებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.