ანჩელოტი: ზლატანი და რონალდო უკვდავები არიან
საფეხბურთო კლუბ "ევერტონის" მთავარი მწვრთნელი კარლო ანჩელოტი, გამოცემა Sport Mediaset-თან საუბრის დროს ზლატან იბრაჰიმოვიჩის და კრიშტიანო რონალდოს შესახებ საკუთარ პოზიციას აფიქსირებს. ანჩელოტის განცხადებით, ხსენებული მოთამაშეები ნამდვილი უკვდავები არიან და ამას ყოველ კვირას, გატანილი გოლით დემონსტრირებენ."როდესაც ზლატან იბრაჰიმოვიჩმა საასპარეზოდ ამერიკის შეერთებულ შტატებს მიაშურა, მაშინ ვიფიქრე, რომ ეს მისი უკანასკნელი ტურნე იქნებოდა. ახლა ზლატანი იტალიაში დაბრუნდა და ვფიქრობდი, რომ ეს დასასრული იყო, მაგრამ ის ყოველ კვირას გატანილი გოლით გამოირჩევა. ის უკვდავია, ისევე როგორც კრიშტიანო რონალდო.
თამაშის გაგრძელება მარტივია, მაგრამ ეს ფეხბურთელები უბრალოდ კი არ თამაშობენ, არამედ გამუდმებით იტანენ გოლებს. ეს კი ძალიან რთული რამ არის. არასდროს ყოფილა მსგავსი შემთხვევა, რომ მე კრიშტიანოსთვის თამაშის შეწყვეტა მერჩია, რადგან ის საუკეთესოა. ამის აღსაქმელად არ არის აუცილებელი სამეცნიერო ხარისხი გქონდეს." - ციტირებს გამოცემა Sport Mediaset კარლო ანჩელოტის სიტყვებს.