მორატა: "იუვენტუსში" ბედნიერი ვარ

ტურინის "იუვენტუსის" ფეხბურთელი ალვარო მორატა, გამოცემა AS-სთან მიცემულ ინტერვიუში, საკუთარ მდგომარეობაზე საუბრობს. მისი განცხადებით, ტურინში თავს ბედნიერად გრძნობს და მეტიც - პროგრესირებას განიცდის.

"იუვენტუსში" არის ყველაფერი, რაც მე მჭირდება. აქ ვგრძნობ, სიყვარულს და იმას, რომ მნიშვნელოვანი ფეხბურთელი ვარ. ტურინში დიდი შესაძლებლობა მაქვს შემდგომი პროგრესირებისთვის. შემიძლია საკუთარი თავის დახევწაზე ვიმუშაო. თუ ყველაფერი ამ ტემპით გაგრძელდება ჩვენი გუნდი დიდ წარმატებას მიაღწევს."

"როდესაც თქვენ პროგრესირების გზას ადგახართ, მუდამ გრძნობთ, რომ სრულფასოვანი მოთამაშე ხართ. სწორედ ამას განვიცდი "იუვენტუსში" ყოფნის დროს. ყველას კარგად გვესმის, რომ წლები გაფრინდა და მე უკვე 20 წლის ბიჭი აღარ ვარ, სწორედ ამიტომ რა გზაც კი გამივლილა ჩემი კარიერის მანძილზე, ახლა ეს ყველაფერი ძალიან მეხმარება." - ციტირებს გამოცემა AS-ი ალვარო მორატას სიტყვებს.

» წყარო