ვან პერსი: რაც ვიხილეთ, ყოვლად დაუშვებელია!

ვან პერსი: რაც ვიხილეთ, ყოვლად დაუშვებელია! მანჩესტერ "იუნაიტედის" ყოფილი ფეხბურთელი რობინ ვან პერსი, უეფას ჩემპიონთა ლიგის ეგიდით გამართულ შეხვედრაზე საუბრობს. შეგახსენებთ, "იუნაიტედმა" "ისტანბულთან" გასვლით ორთაბრძოლაში მოულოდნელი მარცხი იწვნია, ანგარიშით 2-1.

"მათ მონდომება დააკლდათ. როდესაც მანჩესტერ "იუნაიტედში" ვთამაშობდი სერ ალექს ფერგიუსონმა განაცხადა: არ ვარ მარცხის წინააღმდეგი, სანამ ჩემი გუნდი იმაზე ნაკლებად არ იმუშავებს, ვიდრე მოწინააღმდეგე. მსურს ვნახო, რომ საკუთარ მაქსიმუმს დებთ, როგორც შეტევაში ისე დაცვაში მოქმედების დროს."

"დარწმუნებული ვარ, რომ თურქულმა კლუბმა გაცილებით მეტი ირბინა, ვიდრე "იუნაიტედმა". ასეთი რამ დაუშვებელია, ეს არ უნდა ხდებოდეს, არც ერთ შეხვედრაში. საქმე არ ეხება ფეხბურთელების დონეს ან ხარისხს, აუცილებელია მაქსიმუმი გაიღო. გქონდეს ყურადღების 100 პროცენტიანი კონცენტრაცია."
- აცხადებს ვეტერანი ჰოლანდიელი, გამოცემა BT Sport-თან საუბრის დროს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.