ლაზარო მიონხენგლადბახის «ბორუსიაში» გადავიდა

ლაზარო მიონხენგლადბახის «ბორუსიაში» გადავიდა მიონხენგლადბახის «ბორუსიას» ტვიტერის ოფიციალური გვერდის მიერ გავრცელებული ინფორმაციის თანახმად, გერმანულმა კლუბმა «ინტერისგან» იჯარის წესით ვალენტინო ლაზარო აიყვანა.

გავრცელებული ინფორმაციის თანახმად მხარეებს შორის შეთანხმება 2020/21 წლების სეზონის ბოლომდეა გათვლილი. 24 წლის ავსტრიელი ბორუსიაში 19 ნომრიანი მაისურით იასპარეზებს.


შეგახსენებთ, რომ 2019/20 წლების სეზონის მეორე ნახევარი ლაზარომ «ნიუკასლის» შემადგენლობაში გაატარა, სადაც ასევე იჯარის წესით იყო განათხოვრებული. ახალგაზრდა ფეხბურთელის ანგარიშზე 15 შეხვედრაში 2 გატანილი გოლი ირიცხება.

transfermarkt-ის ინფორმაციით ავსტრიელი ნახევარმცველის მიმდინარე სატრანსფერო ფასი 15 მილიონ ევროს შეადგენს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.