ფლიკი: შესანიშნავი თამაში ვაჩვენეთ

ფლიკი: შესანიშნავი თამაში ვაჩვენეთ მიუნხენის "ბაიერნის" მთავარი მწვრთნელი ჰანს დიტერ ფლიკი, ფრანკფურტის "აინტრახტთან" მოპოვებულ გამარჯვებას გამოეხმაურა. შეგახსენებთ, რეკორდმაისტერმა ბუნდესლიგის ეგიდით ჩატარებულ პაექრობაში მეტოქე გუნდი დამანგრეველი ანგარიშით 5-0 დაამარცხა.

"დაცვაში შესანიშნავი თამაში ვაჩვენეთ. ვიცით, რომ "აინტრახტი" არასასიამოვნო მეტოქეა, მათ ბევრი რამ ავტომატიზირებულ დონემდე აქვთ დამუშავებული. მიუხედავად ამისა, დღეს მათ შანსი არ დავუტოვეთ. ძალიან ეფექტურები ვართ, ცივსისხლიანად ვიყენებთ სახიფათო მომენტებს. უეფას ჩემპიონთა ლიგაზე მოპოვებული გამარჯვება ორმაგად სასიამოვნო ხდება, როდესაც შენ ამ მოგებას ბუნდესლიგაში წარმატებულ ასპარეზობასაც უმატებ."

"აუცილებელია დატვირთვების შესაბამისი დოზირება. ფეხბურთელები გაცილებით ადრე უნდა შევცვალოთ, რათა მათ სრული 90 წუთი არ მოუწიოთ თამაში. ალფონსო დევისს მყესების პრობლემა აღენიშნება, ერთი გაწყვეტილია, მეორე ნახევრად დაზიანებული. ჩვენი გათვლებით მან ლაზარეთში 6-8 კვირით გადაინაცვლა."
- ამბობს ჰანსი ფლიკი.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.