კლოპი ვირჯილ ვან დეიკის ტრავმის შესახებ საუბრობს

კლოპი ვირჯილ ვან დეიკის ტრავმის შესახებ საუბრობს "ლივერპულის" მთავარი მწვრთნელი იურგენ კლოპი, ჟურნალისტებთან მიცემულ ინტერვიუში, ვირჯილ ვან დეიკის ტრავმას გამოეხმაურა. ევერტონთან გამართულ დაპირისპირებაში ჰოლანდიელმა უკანახაზელმა მძიმე დაზიანება მიიღო და ლაზარეთში გადაინაცვლა. ექიმებმა მას მუხლის არეში ჯვარედინი მყესების გაწყვეტა დაუდგინეს.

"ფეხბურთელებს მარტო ყოფნა უყვართ, როდესაც მსგავს სიტუაციებს უმკლავდებიან. მე ფეხბურთში საკმარისად დიდ ხანს ვარ, ეს რომ ვიცოდე. მეც მიმიღია ტრავმები და თუ არ მეშლება ზუსტად იგივე დაზიანება მქონდა, რაც ეხლა ვირჯილს აქვს. ასეთ დროს შენ დიდი საუბრით არ გამოირჩევი.

მიუხედავად ამისა, ჩვენ კომუნიკაცია გვაქვს და მას ყველანაირად მხარს ვუჭერთ. ვირჯილმა ამის შესახებ იცის. ჩვენ მას ველოდებით ისე, როგორც კარგი ცოლი ელის ციხეში მყოფ ქმარს. ყველაფერს გავაკეთებთ იმისათვის, რომ მან არსებული პერიოდი შედარებით მსუბუქად გადაიტანოს"
, - ვკითხულობთ იურგენ კლოპის სიტყვებს "ლივერპულის" ოფიციალურ ვებ-გვერდზე.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.