კავანიმ «მანჩესტერ იუნაიტედში» პირველად ივარჯიშა

კავანიმ «მანჩესტერ იუნაიტედში» პირველად ივარჯიშა «მანჩესტერ იუნაიტედის» თავდამსხმელმა ედინსონ კავანიმ ახალ კლუბში პირველად ივარჯიშა. აღნიშნულ ინფორმაციას წითელი ეშმაკების ტვიტერის ოფიციალური გვერდი ავრცელებს და თან ურუგვაელის სურათს აქვეყნებს.

შეგახსენებთ, რომ «პარი სენ-ჟერმენთან» არსებული ხელშეკრულების ვადის გასვლის შემდეგრომ 33-წლის კავანი ინგლისურ კლუბში 5 ოქტომბერს თავისუფალი აგენტის სტატუსით გადავიდა.

მსოფლიოში გავრცელებული ეპიდემიური სიტუაციის გამო ედინსონ კავანის ორ-კვირიანი სავალდებულო კარანტინი მოუწია, რის შემდეგაც მოედანს დაუბრუნდა და ახალ კლუბში პირველი ვარჯიშიც ჩაატარა.

«მანჩესტერ იუნაიტედი» ჩემპიონთა ლიგის ჯგუფური ეტაპის პირველ ტურში «პარი სენ-ჟერმენს» დაუპირისპირდება. შეხვედრა 20 ოქტომბერსაა დაგეგმილი და სავარაუდოდ 33-წლის ურუგვაელი თავდამსხმელი აღნიშნულ მატჩში მონაწილეობას მიიღებს.

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.