რობერტ ლევანდოვსკი «ბაიერნის» თამაშით უკმაყოფილოა
«მიუნხენის ბაიერნის» ფორვარდი რობერტ ლევანდოვსკი, გერმანიის ჩემპიონატის მე-4 ტურის შეხვედრას აფასებს. შეგახსენებთ, რომ რეკორდმაისტერმა არმინია ანგარიშით 4:1 დაამარცხა და სამი ქულა გაიფორმა.«პირველ 45 წუთში ვაჩვენეთ, რომ ჩვენ გამარჯვება გვსურდა. ჩვენ სამი ბურთის გატანა მოვახერხეთ და რამდენიმე კარგი შანსი გვქონდა. აღსანიშნავია, რომ არმინია ბურთს კარგად ფლობდა», - ამბობს რობერტ ლევანდოვსკი.
«მიმდინარე სეზონში მათ შეუძლიათ ყველას დაანახონ, რომ შედეგისა და კარგი თამაშის ჩვენება შეუძლიათ. მეორე ტაიმში ჩვენ ცუდად ვითამაშეთ, საკმარისი ვერ ვაჩვენეთ. ორი-სამი საგოლე მომენტი გვქონდა, თუმცა ასევე 2-3 შეცდომა დავუშვით. ხანგრძლივი შესვენების შემდეგ პირველი მატჩი ყოველთვის მნიშვნელოვანია».
შეგახსენებთ, რომ რეკორდმაისტერის პოლონელმა ფორვარდმა ამ შეხვედრაში დუბლი გაიფორმა. მსგავსი რეზულტატის ჩვენება მოახერხა თომას მიულერმაც.