ზაფხულში ლაუტარო მარტინესმა «ჩელსიში» გადასვლაზე უარი თქვა

ზაფხულში ლაუტარო მარტინესმა «ჩელსიში» გადასვლაზე უარი თქვა «მილანის ინტერის» არგენტინელ თავდამსხმელს, ლაუტარო მარტინესს, გასული ზაფხულის სატრანსფერო პერიოდში იტალიური კლუბის დატოვება და «ლონდონის ჩელსიში» გადასვლა შეეძლო, თუმცა ფეხბურთელმა ინგლისელები უარით გაისტუმრა.

Tutto Mercato Web-ის მიერ გავრცელებული ინფორმაციის თანახმად 23-წლის არგენტინელ ფეხბურთელს იმედი ჰქონდა, რომ «მადრიდის რეალში» ან «კატალონიის ბარსელონაში» შეძლებდა კარიერის გაგრძელებას და სწორედ ამიტომ უთხრა არისტოკრატებს უარი.

შეგახსენებთ, რომ ლაუტარო მარტინესი იტალიური ინტერის ღირსებას 2018 წლიდან იცავს. 23-წლის ფორვარდი ნერაძურიმ არგენტინული რასინიდან შეიძინა და მის სანაცვლოდ 25 მილიონი ევრო გადაიხადა.

მიმდინარე სეზონში არგენტინელმა თავდამსხმელმა იტალიის ჩემპიონატის 3 შეხვედრაში 3 გოლისა და 1 შედეგიანი გადაცემის შესრულება მოახდინა. transfermarkt-ის ინფორმაციით მარტინესი მიმდინარე სატრანსფერო ღირებულება 70 მილიონ ევროს შეადგენს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.