რობერტ ლევანდოვსკი რონალდუს რეკორდთან ახლოსაა

«ლიონის» წინააღმდეგ გამართულ ჩემპიონთა ლიგის 1/2 ფინალური ეტაპის მატჩში მიუნხენის «ბაიერნის» პოლონელმა ცენტრალურმა თავდამსხმელმა თავის გამოჩენა მოახერხა და კრიშტიანუ რონალდუს რეკორდთან მიუახლოვდა.

აღსანიშნავია, რომ ჩემპიონთა ლიგის წლევანდელ ტურნირზე 31 წლის ფორვარდმა ყველა შეხვედრაში მოახერხა გოლის გატანა.

რობერტ ლევანდოვსკის საგოლე სერია — ცხრა შეხვედრა, რაც რუდ ვან ნისტელროის რეკორდის გამეორებაა. ჰოლანდიელმა 2003 წელს «მანჩესტერ იუნაიტედის» შემადგენლობაში ზედიზედ 9 შეხვედრაში მოახერხა თავის გამოჩენა.

გაცილებით ვრცელი სერიით შეუძლია იამაყოს მადრიდის «რეალის» ყოფილმა შემტევმა კრიშტიანუ რონალდუმ, რომელმაც 2017/18 წლების სეზონში ზედიზედ 11 შეხვედრაში გაიტანა გოლი.

31 წლის პოლონელი გოლების რაოდენობაშიც ეჯიბრება პორტუგალიელს, რომელმაც 16 ბურთის გატანა 2015/16 წლების სეზონში მოახერხა, ხოლო ტურნირის საუკეთესო რეზულტატი, ასევე რონალდუს ეკუთნის. კრიშტიანუმ 2013/14 წლებში 17 ბურთი შეაგდო.

ჩემპიონთა ლიგის მიმდინარე გათამაშებაში რობერტ ლევანდოვსკის ანგარიშზე 15 გოლია, წინ კი ფინალური მატჩია «პსჟ»-თან.

» წყარო