ზამთარში ჯეიდენ სანჩო «დორტმუნდს» არ დატოვებს

ზამთარში ჯეიდენ სანჩო «დორტმუნდს» არ დატოვებს «დორტმუნდის ბორუსიას» ინგლისელი ნახევარმცველი, ჯეიდენ სანჩო, ზამთარში «მანჩესტერ იუნაიტედში» არ გადავა, ამის შესახებ ინფორმაციას ცნობილი გერმანული სპორტული გამოცემა BILD ავრცელებს.

მოგეხსენებათ გასული ზაფხულის სატრანსფერო პერიოდში წითელი ეშმაკები 20-წლის შემტევის სამშობლოში დაბრუნებაზე მუშაობდნენ, თუმცა საბოლოოდ მხარეები სანჩოს სატრანსფერო ღირებულებაზე ვერ შეთანხმდნენ.

გერმანული კლუბის მესვეურებს ჯეიდენ სანჩოს სანაცვლოდ 120 მილიონი ფუნტის მიღება სურთ, ხოლო მანჩესტერელები მზად არიან 20-წლის ინგლისელი ტალანტის სანაცვლოდ მაქსიმუმ 90 მილიონი ფუნტი გადაიხადონ.

BILD-ის ინფორმაციით იუნაიტედის ხელმძღვანელობა ჯეიდენ სანჩოს გადმობირებას მიმდინარე სეზონის დასრულების შემდეგ, ზაფხულის სატრანსფერო პერიოდში კიდევ ერთხელ შეეცდება, ხოლო პრესაში გავრცელებული ინფორმაცია, რომ 20-წლის ფორვარდი შესაძლოა ზამთარშივე გაიფორმონ წითელმა ეშმაკებმა სიმართლეს არ შეესაბამება.

შეგახსენებთ, რომ 2019/20 წლების სეზონში ჯეიდენ სანჩომ დორტმუნდის მაისურით ჯამში 44 შეხვედრაში მიიღო მონაწილეობა. 20-წლის ინგლისელი შემტევის ანგარიშზე 20 გოლი და 20 შედეგიანი გადაცემაა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.