დავიდ ალაბასთვის «იუვენტუსი» და «პსჟ» იბრძოლებენ

დავიდ ალაბასთვის «იუვენტუსი» და «პსჟ» იბრძოლებენ «მიუნხენის ბაიერნის» მცველი, დავიდ ალაბა, «ტურინის იუვენტუსისა» და «პარი სენ-ჟერმენის» ინტერესთა სფეროში მოხვდა, ამის შესახებ ინფორმაციას ცნობილი სპორტული გამოცემა Tuttosport ავრცელებს.

28-წლის ავსტრიელ ფეხბურთელს რეკორდმაისტერთან მოქმედი კონტრაქტი 2021 წლის ივნისის ბოლომდე აქვს გაფორმებული. კონტრაქტის გახანგრძლივებაზე, მიუნხენური კლუბის მესვეურების მოლაპარაკებები დავიდ ალაბასთან ჯერ-ჯერობით უშედეგოა.

პრესაში გავრცელებული ინფორმაციის თანახმად ავსტრიელი მცველი მიუნხენის ბაიერნს სოლიდურ ანაზღაურებას სთხოვს, რაც შეუთანხმებლობის ერთ-ერთი მთავარი მიზეზია.

Tuttosport-ი წერს, რომ თუ დავიდ ალაბა ხელშეკრულებას არ გაახანგრძლივებს ზაფხულში ეს უკანასკნელი თავისუფალი აგენტის სტატუსით დატოვებს რეკორდმაისტერს. თუმცა სავარაუდოა, რომ თუ მოვლენები ასე განვითარდება ბავარიელები ავსტრიელ მცველს ზამთარში შეელევიან.

ნებისმიერ შემთხვევაში, მოვლენებს ყურადღებით აკვირდებიან იუვენტუსისა და პარი სენ-ჟერმენის მესვეურები.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.