გიგა ჭიკაძემ ომარ მორალესი დაამარცხა

UFC-ს მებრძოლთა კუნძულზე წარმატებით იასპარეზა გიგა ჭიკაძემ, რომელმაც მეტოქე მსაჯების ერთსულოვანი გადაწყვეტილებით დაამარცხა. 32-წლის ქართველი მებრძოლის მეტოქე FEATHERWEIGHT წონაში ვენესუელელი ომარ მორალესი გახლდათ.

აღსანიშნავია, რომ 34-წლის ვენესუელელი მებრძოლისთვის ეს პირველი განცდილი მარცხია. გიგა ჭიკაძესთან ბრძოლამდე ომარ მორალესის აქტივში 10-0 ფიქსირდებოდა. რაც შეეხება ქართველ მებრძოლს ეს მისი მე-11 გამარჯვებაა.

ბრძოლა სამი რაუნდი გაგრძელდა და ძირითადად დგომში მიმდინარეობდა. 32-წლის ქართველი, რომელიც კიკბოქსში მსოფლიო ჩემპიონია ფეხებით შესანიშნავად მუშაობდა, ბევრს მოძრაობდა, ომარ მორალესის თეიქდაუნის მცდელობებს კარგად ბლოკავდა.

A clean sweep! 🧹

🇬🇪 @Giga_Chikadze shows once again why he's one to watch.

[ #UFCFightIsland5 | #InAbuDhabi | @VisitAbuDhabi ] pic.twitter.com/KXLA37j0be

— UFC (@ufc) October 10, 2020

ვულოცავთ გიგა ჭიკაძეს ამ წარმატებას!