ოფიციალურად: კარიმ ბელარაბი "ლევერკუზენში" 2023 წლამდე დარჩება

ოფიციალურად:  კარიმ ბელარაბი "ლევერკუზენში" 2023 წლამდე დარჩება ლევერკუზენის "ბაიერმა" წარმატებით დაასრულა მოლაპარაკებების პროცესი კარიმ ბელარაბისთან. ამის შესახებ ჟურნალისტებს რუდი ფიოლერმა ამცნო. შედეგად, ბელარაბი ლევერკუზენის რიგებში 2023 წლის 30 ივნისამდე დარჩება.

"ძალიან ბედნიერები ვართ, რადგანაც თანამშრომლობის გაგრძელებასთან დაკავშირებით, შეთანხმებას მივაღწიეთ.  კარიმი ჩვენთან 2011 წლიდან ასპარეზობს, ამ დროის მანძილზე იგი ბუნდესლიგაში ხსენებულ პოზიციაზე,  ერთ-ერთ საუკეთესო ფეხბურთელად ჩამოყალიბდა. როდესაც იგი საკუთარ სწრაფ ფეხბურთს დემონსტრირებს, მაშინ მას გადამწყვეტი მნიშვნელობა ენიჭება."-აცხადებს "ფარმაცევტების" სპორტული დირექტორი რუდი ფიოლერი.

2019/2020 წლის საფეხბურთო სეზონში 30 წლის შემტევმა ლევერკუზენის "ბაიერის" მაისური 26 შეხვედრაში მოირგო. გაიტანა ოთხო გოლი და განახორციელა შვიდი შედეგიანი გადაცემა. საბოლოო ჯამში "ბაიერმა" სატურნირო ცხრილის მეხუთე პოზიცია დაიკავა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.