კონორ მაკგრეგორი დასტინ პორიესთან ბრძოლას დათანხმდა

კონორ მაკგრეგორი დასტინ პორიესთან ბრძოლას დათანხმდა ორ წონით კატეგორიაში UFC-ს ყოფილი ჩემპიონმა, კონორ მაკგრეგორმა, ტვიტერის საკუთარ გვერდზე გამოქვეყნებულ პოსტში დასტინ პორიესთან გასამართ მატჩზე ოფიციალური თანხმობა განაცხადა.

აღსანიშნავია, რომ ირლანდიელ მებრძოლს პორიესთან ბრძოლა მიმდინარე წელსვე სურს.

«გამარჯობა დასტინ! UFC-ს წინადადებას დავთანხმდი, თუმცა ვუთხარი, რომ ბრძოლა 2020 წელს უნდა გაიმართოს. მზად ვარ 21 ნოემბრისთვის, თან თუ გავითვალისწინებთ იმ ფაქტს, რომ ამ ქარდს ტრავმებთან დაკავშირებით პრობლემა აქვს. მზად ვარ დეკემბერის ნებისმიერი თარიღისთვისაც, 12 ან 19 რიცხვი. მინდა გითხრა, რომ მე მაინც შემოვწირავ შენს საქველმოქმედო ორგანიზაციას 500 000 დოლარს», - დაწერა კონორმა ტვიტერში.


«შესანიშნავია, ჩვენ ამ თანხას გამოვიყენებთ ქალაქგარეთ კრივისა და MMA-ს აკადემიის ასაშენებლად, სადაც მე და დი სი გავიზარდეთ, ეს იქნება ბავშვებისთვის გაკეთებული შესანიშნავი საჩუქარი», - უპასუხა დასტინ პორიემ.

შეგახსენებთ, რომ 21 ნოემბერს და 12 დეკემბერს ლას-ვეგასში UFC Apex არენაზე გაიმართება UFC 255 და UFC 256 ტურნირები, ხოლო 19 დეკემბერს mma-ს უდიდეს პრომოუშენს UFC Fight Night აქვს დაგეგმილი.
ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.