ჟირუ: შევჩენკო ყველასგან გამორჩეული ფეხბურთელი იყო
საფრანგეთის ეროვნული ნაკრებისა და ლონდონის "ჩელსის" მოიერიშე ოლივიე ჟირუ ჟურნალისტებთან მიცემულ ინტერვიუში, უკრაინის ეროვნული გუნდის მთავარი მწვრთნელის, ანდრეი შევჩენკოს შესახებ საუბრობს და მის მიმართ საქებარ სიტყვებსაც არ იშურებს."როდესაც თინეიჯერი ვიყავი, ის ჩემთვის ერთ-ერთი გამორჩეული ფეხბურთელი იყო, თუ ყველასგან გამორჩეული არა. მატჩის დასრულების შემდეგ მასთან მივედი, მივესალმე და მაისურზე ავტოგრაფი ვთხოვე, რადგან მისი დიდი ქომაგი ვარ. ჩემთვის ეს ძალიან ბევრს ნიშნავს." - ციტირებს ოლივიე ჟირუს სიტყვებს ინტერნეტ-პორტალი Goal-ი.
უკრაინის ეროვნულმა ნაკრებმა, საფრანგეთთან გამართულ ამხანაგურ შეხვედრაში დამანგრეველი ანგარიშით მარცხი განიცადა. 1:7 - სწორედ ეს შედეგი დაფიქსირდა ტაბლოზე.
They say you should never meet your heroes...ask @_OlivierGiroud_ and he'll tell you 'they' are wrong 🤩 pic.twitter.com/aLaLXLMSEo
— French Team ⭐⭐ (@FrenchTeam) October 8, 2020