მოდრიჩი: მოხარული ვარ მესის გადაწყვეტილების გამო

მოდრიჩი: მოხარული ვარ მესის გადაწყვეტილების გამო მადრიდის "რეალის" ნახევარმცველი ლუკა მოდრიჩი, კატალონიის "ბარსელონას" არგენტინელი შემტევის, ლიონელ მესის შესახებ საუბრობს.

"მესის "ბარსელონადან" წასვლა ძალიან ცუდი სიახლე იქნებოდა. მოხარული ვარ, რომ ლიონელი კატალონიური კლუბის რიგებში დარჩა. ამ საკითხის განხილვა არ ყოფილა. კარგია, რომ მან დარჩენის გადაწყვეტილება მიიღო, რადგან ჩვენი მიზანია საუკეთესოების წინააღმდეგ ვითამაშოთ." - წიტირებს ლუკა მოდრიჩის სიტყვებს გამოცემა COPE.

ზემოხსენებული საკითხის გარდა, ლუკა მოდრიჩმა გარეტ ბეილის შესახებაც გააკეთა მცირე კომენტარი -"ბეილს არასდროს არ ჰქონია პრობლემები "რეალის" სხვა ფეხბურთელებთან. ის შესანიშნავი ადამიანია. საუბრობდა ესპანურად და გვეხუმრებოდა. ბოლო წლებში, ბევრი რამ მოხდა და ხალხმა მისი მიღწევების შესახებ უბრალოდ დაივიწყა. მოვა დრო და გულშემატკივარი გაიხსენებს გარეტს, იმას თუ რამდენად მნიშვნელოვანი ფეხბურთელი იყო ის კლუბისთვის. თითოეული ადამიანი განსხვავებულია, გარეტი ისეთი იყო, როგორიც არის. იშვიათად ესაუბრებოდა ვინმეს, თუმცა გასახდელში მხიარული ბიჭი იყო. ვწუხვარ, რომ მისი დამსახურებები დავიწყებას მიეცა." - აცხადებდა ლუკა მოდრიჩი.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.
ზემოთ