უსმან დემბელე «მანჩესტერში» «იუვენტუსის» გამო არ გადავიდა

უსმან დემბელე «მანჩესტერში» «იუვენტუსის» გამო არ გადავიდა Radiot Cat-ის მიერ გავრცელებული ინფორმაციის თანახმად «კატალონიის ბარსელონას» თავდამსხმელმა უსმან დემბელემ «მანჩესტერ იუნაიტედში» გადასვლაზე უარი «ტურინის იუვენტუსთან» შეთანხმების გამო თქვა.

შეგახსენებთ, რომ 23-წლის ფრანგი შემტევი კატალონიელთა რიგებში 2017/18 წლის სეზონიდან ირიცხება. ესპანურმა გრანდმა დემბელეს სატრანსფერო უფლებების სანაცვლოდ «დორტმუნდის ბორუსიას» 130 მილიონი ევრო გადაუხადა.

23-წლის ფრანგს მოქმედი კონტრაქტი კატალონიელებთან 2022 წლის ივნისის ბოლომდე აქვს გაფორმებული. გუნდში რონალდ კუმანის მოსვლის შემდეგ დემბელეს ბარსელონაში დარჩენის საკითხი საეჭვო გახდა.

მიმდინარე სატრანსფერო პერიოდში აქტიურად იწერებოდა ინფორმაცია, რომ 23-წლის ფრანგის შეძენის ერთ-ერთი მთავარი პრეტედენტი «მანჩესტერ იუნაიტედი» იყო, რომელსაც ესპანური გრანდი ფეხბურთელის სატრანსფერო უფლებებზე ფასდაკლებასაც სთავაზობდა.

საბოლოოდ უსმან დემბელეს «წითელ ეშმაკებში» ტრანსფერი არ განხორციელდა. Radiot Cat-ის ინფორმაციით ფრანგმა შემტევმა ინგლისში გადაბარგებაზე უარი «ტურინის იუვენტუსთან» მიღწეული შეთანხმების გამო თქვა.

წყაროს ინფორმაციით უსმან დემბელე იტალიურ კლუბს მოურიგდა, რომ 2020/21 წლების სეზონის დასრულების შემდეგ გადავა ტურინში.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.