FCT: კრისტიან ანსალდმა კონტრაქტი გაახანგრძლივა

FCT: კრისტიან ანსალდმა კონტრაქტი გაახანგრძლივა საფეხბურთო კლუბ ტორინოს უკანახაზელი კრისტიან ანსალდი მოქმედ ხელშეკრულებას ახანგრძლივებს. ამის შესახებ ინფორმაციას "ტორინოს" პრეს-სამსახური twitter-ის ოფიციალურ გვერდზე აქვეყნებს. 33 წლის ფეხბურთელი გუნდში 2021 წლის 30 ივნისამდე დარჩება.

განვლილ სეზონში ტორინო გადარჩენისთვის იბრძოდა, არსებობდა რეალური შანსი იმისა, რომ ხსენებული გუნდი იტალიის უმაღლესი ჩემპიონატიდან გავარდნილიყო. საბოლოო ჯამში "ტორინომ" მე-16 ადგილი დაიკავა. აგვისტოს თვის დასაწყისიდან კი გუნდს მარკო ჯანპაულო ხელმძღვანელობს.



რაც შეეხება თავად კრისტიან ანსალდს, ეს ფეხბურთელი სხვადასხვა დროს იცავდა, მილანის "ინტერის", მადრიდის "ატლეტიკოს", "ზენიტის" და "რუბინის" ღირსებას. 2008-2016 წლებში ფეხბურთელი რუსეთში მოღვაწეობდა.

გასულ სეზონში კრისტიანმა ტორინოს მაისური 27 ორთაბრძოლაში მოირგო. გაიტანა ოთხი გოლი და განახორციელა ამდენივე შედეგიანი გადაცემა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.
ზემოთ