მემფის დეპაი «ბარსელონაში» სამედიცინო შემოწმებას გაივლის

მემფის დეპაი «ბარსელონაში» სამედიცინო შემოწმებას გაივლის «ლიონის» თავდამსხმელი და «მანჩესტერ სიტის» მცველი დღეს 5 ოქტომბერს კატალონიაში სამედიცინო შემოწმებას გაივლიან, ამის შესახებ ინფორმაციას ჟურნალისტი ნიკოლო სკირა ტვიტერის საკუთარ გვერდზე ავრცელებს.

წყაროს ინფორმაციით ესპანური გრანდი «ლიონს» მემფის დეპაის სატრანსფერო უფლებების სანაცვლოდ 25 მილიონ ევროს გადაიხდის, რაც შეეხება ერიკ გარსიას ესპანელები ქალაქელებს 15 მილიონ ევროს გადაუხდიან. ორივე ფეხბურთელის შემთხვევაში იმოქმედებს ბონუსების სისტემაც.


შეგახსენებთ, რომ მემფის დეპაი «ლიონში» 2017 წელს «მანჩესტერ იუნაიტედიდან» გადავიდა. ჰოლანდიელმა შემტევმა მიმდინარე სეზონში საფრანგეთის ჩემპიონატში 6 შეხვედრაში მიიღო მონაწილეობა და 4 გოლის ავტორი გახდა.

რაც შეეხება ერიკ გარსიას, ეს უკანასკნელი «ბარსელონას» აკადემიის აღზრდილია. 2016 წელს გარსია «მანჩესტერ სიტის» შემადგენლობაში გადავიდა. 19-წლის მცველმა გასულ სეზონში ინგლისური კლუბის მაისურით 25 შეხვედრაში მიიღო მონაწილეობა.
ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.