რომანო: დეპაის ტრანსფერისთვის «ბარსელონამ» დემბელე უნდა გაყიდოს

რომანო: დეპაის ტრანსფერისთვის «ბარსელონამ» დემბელე უნდა გაყიდოს ცნობილი საფეხბურთო ექსპერტი და ჟურნალისტი ფაბრიციო რომანი ტვიტერის საკუთარ გვერდზე პოსტს ავრცელებს და იტყობინება, რომ ლიონსა და «კატალონიის ბარსელონას» შორის დეპაის ტრანსფერზე შეთანხმება მიღწეულია.

ფაბრიციო რომანოს ინფორმაციით ლიონი მზადაა ჰოლანდიელი შემტევი 25 მილიონი ევროს + ბონუსების სანაცვლოდ გაუშვან კლუბიდან, თუმცა თავის მხრიდ «ბარსელონას» უსმან დემბელეს გაყიდვა სჭირდება.

ბოლო დროს გავრცელებული ინფორმაციის თანახმად ფრანგი შემტევით მანჩესტერ იუნაიტედია დაინტერესებული, თუმცა სატრანსფერო ფასი ინგლისელებს ეძვირათ. ხანგრძლივი მოლაპარაკებების შემდეგ კატალონიელებმა მზადყოფნა გამოთქვეს წითელ ეშმაკებს ფასდაკლება გაუკეთონ და დემბელე 66 მილიონი ევროს სანაცვლოდ გაუშვან გუნდიდან.


მანჩესტერ იუნაიტედი ჯეიდენ სანჩოს ტრანსფერს მიიჩნევს პრიორიტეტულად, რომლის სატრანსფერო უფლებებზეც ფასს დორტმუნდის ბორუსია არ აკლებს. გერმანელებს სანჩოს სანაცვლოდ 120 მილიონი ევროს მიღება სურთ.

ამრიგად თუ დორტმუნდის ბორუსიასთან მოლაპარაკებები წარუმატებლად დასრულდება გამორიცხული არ არის, რომ უახლოეს დღეებში უსმან დემბელე მანჩესტერ იუნაიტედში გადავიდეს, ხოლო მემფის დეპაი კატალონიელთა რიგებში ვიხილოთ.
ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.