«მილანმა» დიოგო დალო არენდით აიყვანა

«მილანმა» დიოგო დალო არენდით აიყვანა «მანჩესტერ იუნაიტედის» ახალგაზრდა 21-წლის პორტუგალიელი დიოგო დალო მიმდინარე სეზონში კარიერას «მილანში» გააგრძელებს, ამის შესახებ ინფორმაციას იტალიური კლუბის ოფიციალური ვებ-გვერდი ავრცელებს.

21-წლის პორტუგალიელი განაპირა მცველი «მანჩესტერელთა» რიგებში 2018/19 წლების სეზონიდან ირიცხება. წითელმა ეშმაკებმა დალოს სანაცვლოდ პორტუს 22 მილიონი ევრო გადაუხადეს. ფეხბურთელს მოქმედი კონტრაქტი ინგლისურ გრანდთან 2023 წლის ივნისის ბოლომდე აქვს გაფორმებული.

გავრცელებული ინფორმაციის თანახმად იჯარის ვადა 1 სეზონით განისაზღვრა და 2021 წლის ივნისის ბოლოს დიოგო დალო კვლავ ინგლისში დაბრუნდება.

21-წლის პორტუგალიელმა იტალიურ გრანდში სამედიცინო შემოწმება უკვე გაიარა და არენდის ხელშეკრულებასაც მოაწერა ხელი. დიოგო დალო მილანში 5-ნომრიანი მაისურით ითამაშებს.

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.