ფლიკი: კალუმი უნიჭიერესი ფეხბურთელია

ფლიკი: კალუმი უნიჭიერესი ფეხბურთელია მიუნხენის "ბაიერნის" მთავარმა მწვრთნელმა ჰანს-დიტერ ფლიკმა, ჟურნალისტებთან მიცემულ ინტერვიუში, ლონდონის "ჩელსის" ნახევარმცველის, კალუმ ჰადსონ-ოდოის შესაძლო ტრანსფერის შესახებ, საკუთარი პოზიცია დააფიქსირა.

”არ ვიცი რა მოხდება, მაგრამ კალუმი ერთ-ერთი ყველაზე ნიჭიერი ფეხბურთელია საკუთარ პოზიციაზე. მას შეუძლია ითამაშოს როგორც გარემარბად, ისე ეგრედ წოდებულ "ათიანზეც". მართლაც ნიჭიერი მოთამაშეა. "ბაიერნში" გამართულ დისკუსიებში, მისი სახელი ხშირად ფიგურირებდა" - ციტირებს ინტერნეტ-პორტალი Goal-ი ჰანსი ფლიკის სიტყვებს.

მიუნხენის "ბაიერნს" ზემოხსენებული ფეხბურთელის აყვანა არენდის წესით სურს. ხელშეკრულება ასევე უნდა ითვალისწინებდეს ე.წ გამოსყიდვის ოფციას. დასავლური პრესა 19 წლის შემტევის მიმართ, მიუნხენის "ბაიერნის" ინტერესზე 2019 წლიდან წერს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.