სერჟინიო დესტი: არჩევანი "ბარსელონას" სასარგებლოდ გავაკეთე
კატალონიის "ბარსელონას" ახლაწვეული სერჟინიო დესტი, მიღებული გადაწყვეტილების შესახებ საუბრობს. ფეხბურთელი აღნიშნავს, რომ მას მიუნხენის "ბაიერნიდანაც" ჰქონდა შესაბამისი წინადადება, თუმცა საბოლოო ჯამში არჩევანი ესპანური კლუბის სასარგებლოდ გააკეთა. "მიუნხენის "ბაიერნი" უაღრესად ძლიერი კლუბია, თუმცა გადაწყვეტილების მიღების დროს, მე საკუთარ გულს მივენდე. "ბარსელონა" - სწორი არჩევანია! რაც შეეხება თქვენს შეკითვას ვიქნები თუ არა უახლოეს მატჩებში წარმოდგენილი, ეს ძალიან სასიამოვნო იქნებოდა."
"YouTube-ზე დანი ალვეშის ძალიან ბევრი ვიდეო ვნახე, ეს ფეხბურთელი ჩემთვის ერთგვარი ორიენტირია, მე ამ დრომდე ვსწავლობ მისგან. მის შესახებ დამატებით ინფორმაციას, თავად "ბარსელონას" ფეხბურთელებისგან მივიღებ." - განაცხადა სერჟინიომ საკუთარ პრეზენტაციაზე.
19 წლის ფეხბურთელმა კატალონიელებთან 5 წლიან ხელშეკრულებას მოაწერა ხელი. მანამდე ის ამსტერდამის "აიაქსის" ღირსებას იცავდა.
👀 #BarçaSevilla pic.twitter.com/DhANgG0ob5
— FC Barcelona (@FCBarcelona) October 2, 2020