ფაბრიციო რომანო: «რომა» კრის სმოლინგს 16 მილიონად გამოისყიდის

ფაბრიციო რომანო: «რომა» კრის სმოლინგს 16 მილიონად გამოისყიდის ცნობილი საფეხბურთო ექსპერტი და ჟურნალისტი ფაბრიციო რომანო ტვიტერის საკუთარ გვერდზე წერს, რომ «რომა» მზადაა კრის სმოლინგის სატრანსფერო უფლებების სანაცვლოდ «მანჩესტერ იუნაიტედს» 16 მილიონი ევრო გადაუხადოს.

30-წლის სმოლინგის გარდა იტალიელები წითელ ეშმაკების დიოგო დალოს არენდით აყვანასაც სთავაზობენ, თუმცა ფაბრიციო რომანოს ინფორმაციით «მანჩესტერ იუნაიტედის» მესვეურების ფეხბურთელის გაყიდვა სურთ.


შეგახსენებთ, რომ კრის სმოლინგმა 2019/20 წლების სეზონი რომაში არენდის წესით გაატარა. 30-წლის ფეხბურთელის ანგარიშზე 37 შეხვედრა, 3 გოლი და 2 შედეგიანი გადაცემაა.

transfermarkt-ის ინფორმაციით ინგლისელი ცენტრალური მცველის მიმდინარე სატრანსფერო ფასი 20 მილიონ ევროს შეადგენს.
ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.