ევრა: ყოფილა შემთხვევები ფეკალიებით სავსე ყუთები მიგვიღია

ევრა: ყოფილა შემთხვევები ფეკალიებით სავსე ყუთები მიგვიღია საფრანგეთის ეროვნული ნაკრებისა და მანჩესტერ "იუნაიტედის" ყოფილი ფეხბურთელი პატრის ევრა, საფრანგეთის ფეხბურთის ფედერაციის პრეზიდენტს ნოელ ლე გრეს აკრიტიკებს. ამ უკანასკნელმა განაცხადა, რომ საფრანგეთში რასიზმის პრობლემები აღმოფხვრილია.

"შენ ძალიან კარგად იცი რა ხდება საფრანგეთის ეროვნული ნაკრების შემადგენლობაში. რა რაოდენობის რასისტული შინაარსის წერილებს ვიღებდით. - "დიდიე, შეკრიბე შენი მაიმუნები და გა.... აფრიკაში. თავიდან მოგვწყდი შენი მაიმუნებით და გორილებით" -

რამდენია ასეთი წერილი? მათ საგულდაგულოდ მალავენ, თუმცა რამდენიმე მათგანი საკუთარი თვალებით მაქვს ნანახი. ხანდახან ყოფილა შემთხვევები, ფეკალიებით სავსე ყუთები მიგვიღია."
- ციტირებს RMC Sport პატრის ევრას სიტყვებს.

ევრა საფრანგეთის ნაკრების შემადგენლობაში 2004-2016 წლებში ასპარეზობდა. "მამლების" რიგებში სულ 81 მატჩი გამართა. 2018 წელს მან პროფესიული კარიერა დაასრულა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.