ოფიციალურად: როს ბარკლი "ასტონ ვილას" ღირსებას დაიცავს

ოფიციალურად: როს ბარკლი "ასტონ ვილას" ღირსებას დაიცავს ლონდონის "ჩელსის" ნახევარმცველი როს ბარკლი, 2020/2021 წლის სეზონში "ასტონ ვილას" შემადგენლობაში, არენდის ხელშეკრულების საფუძველზე ითამაშებს.

"როსის მსგავსი ფეხბურთელის ხელში ჩაგდება, ჩვენი კლუბისათვის ნამდვილად გარდამტეხი მომენტია. დარწმუნებული ვარ, ის ჩვენს გუნდს კარგად მოერგება და მეტად გააუმჯობესებს მას." - ციტირებს "ასტონ ვილას" მთავარი მწვრთნელის დინ სმიტის სიტყვებს კლუბის პრეს-სამსახური.

ბარკლი "ევერტონის" აღზრდილი ფეხბურთელია. ამ გუნდის რიგებში ის 2018 წლამდე ასპარეზობდა. ამის შემდეგ, 26 წლის ცენტრალური ნახევარმცველი ლონდონის "ჩელსის" რიგებში გადაბარგდა. იმ პერიოდში სატრანსფერო თანხამ 16,8 მილიონი ევრო შეადგინა. ინტერნეტ-პორტალი Transfermarkt-ი ხსენებული ფეხბურთელის ღირებულებას 21,5 მილიონ ევროდ აფასებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.