ჯონ ჯონსი ისრაელ ადესანიასთან პოტენციურ ბრძოლაში ფავორიტია

ჯონ ჯონსი ისრაელ ადესანიასთან პოტენციურ ბრძოლაში ფავორიტია რამდენიმე დღის წინ ჯონ ჯონსი UFC-ს მოქმედ ჩემპიონს, ისრაელ ადესანიას, დაემუქრა, რომ ხელს მოაგლეჯდა. ბუკმეიკერების აზრით მსოფლიოს ერთ-ერთი საუკეთესო მებრძოლის მუქარა რეალურია.

ისრაელ ადესანიამ UFC-ს ჩემპიონის ტიტული წარმატებით დაიცვა. ნიგერიელმა მებრძოლმა პაულო კოსტასთან შეხვედრაში აბსოლიტური დომინაციის დემონსტრირება მოახდინა, ხოლო მატჩის შემდეგ კვლავ ჯონ ჯონსთან შესაძლო ბრძოლაზე ისაუბრა.

ბუკმეიკერებმა ჯონსისა და ადესანიას პოტენციურ ბრძოლაზე ფსონების მიღება დაიწყეს. შედეგების მიხედვით, მძიმე წონაში UFC-ს ექს-ჩემპიონი ფავორიტად მიიჩნევა.

ამ მომენტისთვის ჯონსის გამარჯვების კოეფიციენტი 1.267 (ალბათობა 78.95%), ხოლო ისრაელ ადესანიას კოეფიციენტი 3.850-ით ფასდება (ალბათობა 25.97%).


მიუხედავად ჯონსის აშკარა უპირატესობისა, გასული წლის ოქტომბერში ადესანიასთან პოტენციურად გასამართ მატჩში ამერიკელი მებრძოლის კოეფიციენტი გაცილებით დაბალი 1.182 (ალბათობა 84.62%) იყო.

შეგახსენებთ, რომ UFC-ს ჩემპიონის ტიტული ნახევრად-მძიმე წონით კატეგორიაში 33-წლის ჯონსმა აგვისტოში ვაკანტურად გამოაცხადა და მალევე მძიმე წონით დივიზიონში გადასვლა დააანონსა.
MMA
ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.