ჰანსი ფლიკი: «მატჩებისა და ტიტულების მოგება გვსურს»

ჰანსი ფლიკი: «მატჩებისა და ტიტულების მოგება გვსურს» ფეხბურთის მოყვარულებს დღეს გერმანული კლასიკო ელით. 30 სექტემბერს თბილისის დროით 22:30 საათზე გერმანიის სუპერ თასის მატჩი გაიმართება «მიუნხენის ბაიერნსა» და «დორტმუნდის ბორუსიას» შორის.

რეკორდმაისტერის მთავარი მწვრთნელი ჰანსი ფლიკი «დორმუნდის» დამარცხებას ისახავს მიზნად. გერმანელი სპეციალისტის თქმით მიუნხენელებს ტიტულების მოგება სურთ.

დღევანდელი მატჩი ნამდვილი კლასიკაა. ბორუსიას ფანტასტიკური და ძალიან ახალგაზრდა გუნდი ჰყავს, თუმცა მათ რიგებში ვიხილავთ ძალიან გამოცდილ ფეხბურთელებსაც. ბორუსიელები მიმზიდველ და შემტევი ფეხბურთის დემონსტრირებას ახდენენ», - ამბობს ჰანსი ფლიკი.

ჩვენ ერთ შეხვედრაში დავმარცხდით, თუმცა მანამდე წარმოუდგენლად წარმატებული სეზონი გვქონდა. აქედან გამომდინარე ნებისმიერი ფეხბურთელი საკუთარ ძალებში ასი პროცენტით დარწმუნებული უნდა იყოს. ჩვენ მატჩებისა და ტიტულების მოგება გვსურს».

შეგახსენებთ, რომ ბუნდესლიგის მეორე ტურში რეკორდმაისტერი ჰოფენჰაიმს სტუმრობდა. სებასტიან ჰიონესის გაწვრთნილმა გუნდმა რეკორდმაისტერი გამანადგურებელი ანგარიშით 4:1 დაამარცხა და ბავარიელები უშანსოდ დატოვა.

ბუნდესლიგის მეორე ტური წარუმატებელი აღმოჩნდა დორტმუნდის ბორუსიისთვისაც. ლუსიან ფავრის გაწვრთნილი გუნდი სტუმრად აუგსბურგთან ანგარიშით 2:0 დამარცხდა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.
ზემოთ