კარიუსი გერმანიაში გადაბარგდა

კარიუსი გერმანიაში გადაბარგდა საფეხბურთო კლუბმა "ლივერპულმა" საკუთარ ოფიციალურ ვებ-გვერდზე მეკარე ლორის კარიუსის ტრანსფერის შესახებ გამოაცხადა. 26 წლის კიპერი, ბერლინის იუნიონში არენდის ხელშეკრულების საფუძველზე მოგვევლინება. ხსენებული კონტრაქტი 2021 წლის ზაფხულამდე იქნება ძალაში.

”კამპანიის დასრულებამდე ყოველივე საუკეთესოს გისურვებთ” - ნათქვამია "ლივერპული" მიერ გამოქვეყნებულ განცხადებაში.

შეგახსენებთ, კარიუსმა თურქულ "ბეშიქთაშში" იჯარის ხელშეკრულებით 1,5 წელი გაატარა. იჯარა გათვლილი იყო 2020 წლის ზაფხულამდე, მაგრამ მეკარე ლივერპულში ვადაზე ადრე დაბრუნდა, რადგან თურქული კლუბი მას, რამდენიმე თვის განმავლობაში ხელფასს არ უხდიდა.

გასულ სეზონში, გერმანელმა მეკარემ თურქეთის ჩემპიონატში 25 მატჩი ჩაატარა და 29 გოლი გაუშვა. ფეხბურთელის კონტრაქტი ლივერპულთან 2022 წლის ზაფხულამდეა ძალაში.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.
ზემოთ