ფერლან მენდი: მარსელოსთან კარგი ურთიერთობა მაქვს

ფერლან მენდი: მარსელოსთან კარგი ურთიერთობა მაქვს მადრიდის "რეალის" უკანახაზელი ფერლან მენდი, ჟურნალისტებთან მიცემულ ინტერვიუში, იმ პერიოდს იხსენებს, როდესაც ეს უკანასკნელი "ლიონის" რიგებს ტოვებდა და "სამეფო კლუბს" უერთდებოდა.

"როდესაც მადრიდის "რეალთან" ხელსეკრულება გავაფორმე, ძალიან მეშინოდა. აქ მოხვედრა რთულია, თუმცა ადაპტირება მალევე გავიარე. საბოლოო ჯამში ყველაფერი თავის ადგილზე დალაგდა. არ ვფიქრობ, რომ მარსელოს კუთვნილი ადგილი წავართვი. ჩვენ ძალიან კარგი ურთიერთობა გვაქვს, ის ამ დრომდე ღირებულ რჩევებს მაძლევს." - ციტირებს მენდის სიტყვებს გამოცემა Téléfoot

ფერლან მენდი მადრიდის "რეალის" რიგებში 2019 წლიდან ასპარეზობს. "ლიონიდან" მისმა ტრანსფერმა 48 მილიონი ევრო შეადგინა. 25 წლის ფრანგ ფეხბურთელს, მოქმედი ხელშეკრულება 2025 წლის 30 ივნისამდე აქვს გაფორმებული.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.