6 მატჩში დაფიქსირებული 6 ასისტი - ლევანდოვსკი "ბაიერნის" ახალი დისპეჩერია
გასულ სეზონში რობერტ ლევანდოვსკიმ, მეტოქე გუნდის კარებში გატანილი 55 გოლით, დაადასტურა საკუთარი სტატუსი, როგორც ყველაზე საშიში თავდამსხმელი მთელი მსოფლიოს მასშტაბით. ბომბარდირთა დავაში მის ნიშნულს ვერც ერთი სხვა ფეხბურთელი ვერ მიუახლოვდა, მაგრამ ამ ბოლო დროს, 32 წლის პოლონელმა გოლიადორმა დაიწყო იმის დემონსტრირება, რომ ის უფრო მეტია, ვიდრე უბრალოდ ბომბარდირი.
გელზენკირხენის "შალკე 04"-თან გამართულ შეხვედრაში რობერტ ლევანდოვსკი ორი საგოლე გადაცემის ავტორი გახდა. "სევილიასთან" მატჩში კი მის ტექნიკურ პასს დიდი გამოხმაურება მოჰყვა. ლევანდოვსკის გადაცემით ლეონ გორეცკამ ისარგებლა -"ამ გოლმა თამაშში დაგვაბრუნა" - აცხადებდა ნამატჩევს ჰანს დიტერ ფლიკი.
რობერტი 6 ჩატარებულ შეხვედრაში 6 საგოლე გადაცემით გამოირჩა. ცალკე აღნიშვნის ღირსია ეგრედ წოდებული "რაბონა". "შალკეს" წინააღმდეგ ჩატარებულ შეხვედრაში, ლევანდოვსკიმ ულამაზესი გადაცემით, გულშემატკივრებს დიდი სიხარული მიანიჭა.
Dieser Typ ist nicht von dieser Welt! 👽#Rabondowski #MiaSanMia @lewy_official pic.twitter.com/JWJtVM7RXX
— FC Bayern München (@FCBayern) September 22, 2020