"შალკემ" მთავარი მწვრთნელი დაითხოვა

"შალკემ" მთავარი მწვრთნელი დაითხოვა გელზენკირხენის "შალკე 04"-ის ხელმძღვანელობამ გუნდის მთავარ მწვრთნელთან დევიდ ვაგნერთან, ხელშეკრულება გაწყვიტა. ამის შესახებ ოფიციალურ განცხადებას, გერმანული კლუბის ვებ-გვერდზე ვკითხულობთ.

ვაგნერი "შალკეს" მთავარი მწვრთნელის თანამდებობაზე 2019 წლის 9 მაისს დაინიშნა. ხელშეკრულება 2022 წლამდე იყო ძალაში.

”ჩვენ ყველას იმედი გვქონდა, რომ დევიდ ვაგნერთან ერთად წარმატებას მივაღწევდით. სამწუხაროდ, ახალი სეზონის პირველმა ორმა ტურმა საჭირო შედეგები ვერ მოიტანა” - ვკითხულობთ განცხადებაში.

აღსანიშნავია, რომ გელზენკირხენელებმა საკუთარი ბოლო შეხვედრა 17 იანვარს მოიგეს. ამ შემდეგ, "შალკემ" ექვსი მატჩი ფრედ ითამაშა, 12 მათგანში კი დამარცხდა.

გერმანიის ჩემპიონატის მიმდინარე სეზონში, ორი ტურის შემდეგ, "შალკე" სატურნირო ცხრილის მე -18 ადგილზეა. მის გრაფაში 0 ქულაა აღნიშნული.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.