ნაგელსმანი : რთული მატჩი გველის
საფეხბურთო კლუბ "ლაიპციგის" მთავარი მწვრთნელი იულიან ნაგელსმანი, ჟურნალისტებთან მიცემულ ინტერვიუში, "პარი სენ-ჟერმენთან" მოახლოებული დაპირისპირების შესახებ საუბრობს. მისი განცხადებით, "ლაიპციგი" მზად არის ხსენებული პაექრობისთვის და ფეხბურთელები ყველა ღონეს იხმარენ იმისათვის, რომ ფინალში გასვლის უფლება მოიპოვონ. "მას შემდეგ რაც საფეხბურთო სეზონი განახლდა, ჩვენ პრაქტიკულად არ გვიჩვენებია ის ფეხბურთი, რომლის დემონსტრირებაც გვსურდა. ფეხბურთელებს ნამდვილად აქვთ გამარჯვების მიღწევის სურვილი, შიმშილის შეგრძნება გვაქვს, მოთამაშეებს ეს სახეზე აწერიათ. გვსურს კიდევ ერთი დიდი ნაბიჯი გადავდგათ, ამისათვის კი მზად ვართ. არ შეიძლება იმის უარყოფა, თუ რისი გაკეთება შეუძლიათ ნეიმარს ან მბაპეს. ესენი ტოპ-ფეხბურთელები არიან. მათ წინააღმდეგ მხოლოდ გუნდურ დაცვას თუ გამოვიყენებთ. რა თქმა უნდა, რთული მატჩი იქნება, თუმცა ვეცდებით, რომ "პარი სენ-ჟერმენი" წნეხში მოვაქციოთ და მუშაობა ვაიძულოთ. ფეხბურთი მხოლოდ მაშინ არის საინტერესო, როდესაც ორივე გუნდი შემტევ სტილს ირჩევს."-ციტირებს ახალგაზრდა სპეციალისტის სიტყვებს უეფას ოფიციალური ვებ-გვერდი.
შეგახსენებთ, უეფას ჩემპიონთა ლიგის ნახევარფინალური შეხვედრა "ლაიპციგსა" და "პარი სენ-ჟერმენს" შორის, 18 აგვისტოს გაიმართება. შეხვედრა სტარტს თბილისის დროით 23:00 საათზე აიღებს.