"ატლეტიკო" ლონდონის "არსენალის" მცველით ინტერესდება

"ატლეტიკო" ლონდონის "არსენალის" მცველით ინტერესდება ლონდონის "არსენალის" ურუგვაელი მცველი ლუკას ტორეირა, შესაძლებელია მადრიდის "ატლეტიკოს" შემადგენლობაში ვიხილოთ. ამის შესახებ ინფორმაციას, ცნობილი ჟურნალისტი ფაბრიციო რომანო სოციალურ ქსელში ავრცელებს.

წყაროს მტკიცებით, თავად ფეხბურთელი ხსენებული ტრანსფერის განხორციელებით დაინტერესებულია და პირადი კონტრაქტის დეტალები უკვე შეთანხმებულიც კი აქვს დედაქალაქურ კლუბთან, თუმცა "ატლეტიკოს" "მეთოფეებთან" კონკრეტული შეთანხმება ჯერ არ მიუღწევია. მადრიდულ გუნდს, შესაძლოა ჰექტორ ერერას გაყიდვაც კი დასჭირდეს, რათა დასახული მიზანი რეალობად აქციოს.

ლუკას ტორეირა ლონდონის "არსენალის" შემადგენლობაში 2018 წელს გამოჩნდა. მანამდე იგი "სამპდორიას" ღირსებას იცავდა. სატრანსფერო თანხამ 28,65 მილიონი ევრო შეადგინა. მისი მოქმედი ხელშეკრულება 2023 წლის 30 ივნისამდეა გათვალისწინებული.

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.