ნოიერი: მე მჯერა გიოტცეს შესაძლებლობების

ნოიერი: მე მჯერა გიოტცეს შესაძლებლობების გერმანიის ეროვნული ნაკრებისა და მიუნხენის "ბაიერნის" კარის დარაჯი მანუელ ნოიერი, მარიო გიოტცეს შესახებ საუბრობს. შეგახსენებთ, პრესაში გაჟღერებული ინფორმაციის თანახმად, ჰანს დიტერ ფლიკს გიოტცეს გაფორმება სურს. 28 წლის ფეხბურთელი, მოცემულ მომენტში, თავისუფალი აგენტის სტატუსით სარგებლობს.

"მარიო - ძალიან კარგი ფეხბურთელია, რომელმაც იცის თუ როგორ არის "ბაიერნში" ყველაფერი მოწყობილი. იგი მუდამ ამბობდა, რომ უეფას ჩემპიონთა ლიგის მოგება სურდა. გიოტცე ძალიან ამბიციური ფეხბურთელია, რამდენადაც ვიცი, კარგ ფიზიკურ ფორმაში იმყოფება. დაველოდოთ მოვლენების განვითარებას. ეს არის საკითხი რომელზეც გადაწყვეტილება კლუბის ხელმძღვანელობამ უნდა მიიღოს. მე მისი შესაძლებლობების მჯერა, მწამს რომ იგი "ბაიერნს" კიდევ უფრო მრავალფეროვანს გახდის." - ციტირებს მანუელ ნოიერის სიტყვებს გამოცემა Sport Bild.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.