"ბაიერნის" ახალი შეთავაზება დავიდ ალაბას

"ბაიერნის" ახალი შეთავაზება დავიდ ალაბას მიუნხენის "ბაიერნის" ხელმძღვანელობა, კონტრაქტის გახანგრძლივების საკითხთან დაკავშირებით, დავიდ ალაბასთან მოლაპარაკებებს აგრძელებს. გერმანული გრანდის მესვეურები, არ აპირებენ ფეხბურთელს ხელფასის ოდენობა იმ დონემდე გაუზარდონ, რომ ამით კლუბში არსებული სახელფასო სტრუქტურა მოიშალოს.

28 წლის ფეხბურთელს, ანაზღაურების სახით წლიურად 11 მილიონ ევროს სთავაზობენ. ხელშეკრულება ასევე ითვალისწინებს დამატებით 6 მილიონი ევროს ბონუსებსაც.

გარდა ამისა, მიუნხენის "ბაიერნი" მზადაა კომპენსაციის სახით, ავსტრიელ უკანახაზელს 5 წლიანი კონტრაქტი შესთავაზოს. მოლაპარაკებების წინა რაუნდებში "ბაიერნი" 4 წლიან გარიგებაზე იყო თანახმა. გერმანული ავტორიტეტული გამოცემა Bild-ი იუწყება, რომ თავად ფეხბურთელს "რეკორდმაისტერის" რიგებში სურს ასპარეზობა.

პრესაში გაჟღერებული ინფორმაციით, დავიდ ალაბა და მისი აგენტი პინი ზაჰავი, 5 წლიან ხელშეკრულებას და წლიური გასამრჯელოს სახით - 25 მილიონ ევროს ითხოვდნენ.

ხსენებულ საკითხთან დაკავშრებით შეგიძლიათ იხილოთ, ული ჰიონესის, ჰასან სალიჰამიჯიჩის და პინი ზაჰავის კომენტარები.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.